TOCEren txokoa

IV. Buruz Buruko Pala Txapelketa 2011

2011-02-25T21:16:00.000+01:00

1-Apuntatzeko azken eguna Martxoaren 24a izango da, zozketa egiteko eta partaideei partiduak eta txapelketako datuak emoteko.

2-Apuntaten danak 5 euro.

3-Txapelketa parte hartzaile kopuruaren araberakoa izango da.

4-Alkarren kontra jolasten dabenak ados jarri behar dira ze frontoian jolastu. Ez badira ados jartzen niri emongo doztie euren aukerak eta zozketa mota bategaz argituko da.

5-Txapelketa irudiko pala motagaz eta teniseko pilotekaz izengo da.

6-Teniseko pilotak, bakoitzak bereak eroango dauz eta sakearen jabeak erabakiko dau ze pilota erabili. Lehenengo sakea nork atarako dauen txanpon baten bidez erabakiko da eta egon ezean, harri, orri, ar jokoagaz.

7-Partidu bakoitza 22 tantura izando da.

8-Partiduak aste bakoitzeko astelehenetan jarriko dira, baña jokalariak ados badagoz egunez aldatu ahal da. Hori bai, aste horretan jolastu beharko da, hurrengo astean hurrengo jardunaldia jolasteko. Atal honetan garrantzitsua… apuntatzen dana txapelketa osoa jolasteko da, txapelketan txarto joateagatik gehiau ez dauenak jolastuko hobe ez apuntatea.

9-Partiduetako epaileak jolasten daben jokalariak izando dira. Zerbaitegatik ados geratzen ez bazarie deitu eta ni epaile izanda beste egun baten jolastuko da.

10-Lagunen arteko txapelketa bat da, mesedez ez ibili azerikeriekaz deskantsuen kontuagatik, bestela datorren urtean arautu beharko da.

11-Sariak: Parte hartzaile kopuruaren araberakoa izango da. Aurten ahalegintxu bat egingo da txapela erosteko (zer da txapelketa bat txapelik barik?). Jende gutxi bagauz, txapelketan parte hartzeko ez da ezer ordaindu beharrik izango (pasadan urtean bezala).

12-Datuak orri honetan itxi edo niri deitu emoteko (695 783 153). Hurrengo datuak eskatzen dira:izena, telefono zenbakia eta email helbidea (eukiz gero).

13-Txapelketa Martxoaren 28-an hasiko da.

14-(Txapelketako antolatzaileek arauak aldatzeko eskubidea izango dabe).

Midi d'Ossau eta San Fausto (1.go eguna)

2010-08-13T23:58:00.003+02:00

Pasadan urteko saiakeraren ondoren, aurten Midi d'Ossau-ra joan ginan hau ieteko asmoz. Honako honetan ez ginan 3 izan baizik eta 4, zeren bi eta bat ez dira sekula hiru izan. Eskurtsioko lagun barriagaz eta Pombie errefugioan erreserba eginda abiatu ginan. Hasieratik konplikatu zitzaigun irteera, kotxea ekipaiaz bete beteta eroan gendulako. Gauzak holan, barriten kopurua asko murriztu beharko zan, bidaiaren helburu nagusia arriskuan jarriz (barrita barik... ez dago mendia ieteko energiarik). Bueno, erosketen kontuak albo batera itxita kotxez abiatu ginan mendi alderantz, beti ere segurtasunezko abiaduran. Bidaian arazorik ez, askotan joan gara Piriniotara eta jadanik badakigu autopista de los pirineos edo dana dalako hori zenbat luzatu daben be urte bakoitzeko, bueno... bazegoen nonor ez zeukana esperantza handiegirik autopista aurten asko luzatuko zutela (... 10 Km gehiau ezetz...) ejem.

Dana ondo zihoan, lainoa izan ezik, antza lehenengo egunean konpainia egin nahi euzkun ta kotxea aparkatu eta dena prestatzen hasi ginan. Gure albora frantsez mendizale talde bat iritsi zan ta eskerrak emon al dauzkue bestela hauek ez ziran inoiz helduko errefugiora zegoen lainoagaz. Kontua da frantsez hauei itxaron geniela eta ritmo egoki batean ieten hasi ginan, erritmo frantseza, oso azkarra, astialdi bat hartzeko denborarik emoten ez dauena, jakea kentzeko geratu ezkero eta barriro taldetxoa harrapatu nahi izanez gero korrika egiten hasita konturatzen zara ez zoazela inora eta oinez jarraitzen dozuz harrapatu ezinik eta ordu erdiz arnas estuka ibilita. En fin, serafin, pasadan urtean ordu t'erdian egin gendun ibilbidea aurten 55 minututan egin genuela.

Errefugiora iritsita afaltzeko ordua heldu zan, nik botak jangelan egoan galdaratxo baten alboan jarri nebazan sikatzeko asmoz, baña ingenieritzan 9 urte eman ondoren antza ez dot ikasi galdara hotz batek ez dauela ezer sikatu edo berotuko, aupa ni. Ta Ataungo beste goi ingeniari batek ere ez dau ikasi txokolatea boltsikoan gordetzen bada denbora luzez hau urtu egingo dala. Afariaren lehenengo platera oso misteriotsua izan zan. Sopa-pure-potaje antzeko zeozer, indaba zuri zatiak hortik, bedar zapore arraroa bestetik...1.go plater likatsua. Bigarren platerak argitu euzkun aurreko plateragaz geneuzkan duda batzuk, saltsitsa zatiak ziran ta azpian laguntzeko txilistak zeuzkan orriekaz. Hortik ulertu gendun zer zan lehenengo platereko bedar zaporea. Gu afaltzen geundela, alboan lehengo frantsez taldea geneuzkan liburuak eta artikuluak eta errefugioan egoan informazio guztia ikasiz...aiii azken gauan ikastera beti... ohitura batzuk bardinak dira herrialde gehienetan. Errefugioko arduradunak oso jatorrak ziran, mahaia guk garbitzea eskatzen euzkuen, mus partida erdi erdian ohira joateko esaten euzkuen... ohira sartu ginan eta bueno, hor hasi zan zurrunga festa (festa... ta batzuk serioegi hartu eben ta zurrunga dueloa euki eben) eskerrak hor egoala arizko danak ixil arazteko, Dabiri konportateko esateko eta, hau beharbada Mondragon Unibertsitatean irakatsiko eben, Dabiren zurrungan ixilarazteko ni jotzeko.

Bueno, hau luzea izango dala emoten dau ta beste batzen jarraituko dot. Hemen amaitzen da lehenengo eguneko kronika.

Banakako III. Pala Txapelketa

2010-02-05T22:04:00.004+01:00

-Apuntatzeko azken eguna Otsailaren 26a izango da, sorteoa egiteko eta partaideei partiduak eta txapelketako datuak emoteko.
-Apuntaten danak 10 euro.
-Txapelketa parte hartzaile kopuruaren araberakoa izango da.
-Alkarren kontra jolasten dabenak ados jarri behar dira ze frontoian jolastu. Ez badira ados jartzen niri emongo dauztie euren aukerak eta sorteo mota bategaz argituko da. Final aurrekoetan, finalean eta 3. eta 4. postuetako partiduak (Loiun, Urduliz edo Sopelan, erabaki behar da) jolastuko dira.
-Txapelketa irudiko pala motagaz eta teniseko pelotekaz izengo da.
-Teniseko pelotak, bakoitzak bereak eroango dauz eta sakearen jabeak erabakiko dau ze pilota erabili.
-Partidu bakoitza 22 tantura izando da.
-Partiduak aste bakoitzeko astelehenetan jarriko dira, baña jokalariak ados badagoz egunez aldatu ahal da. Hori bai, aste horretan jolastu beharko da, hurrengo astean hurrengo ronda jolasteko.
-Partiduetako epaileak jolasten daben jokalariak izando dira. Zerbaitegatik ados geratzen ez bazarie deitu eta ni epaile izanda beste egun baten jolastuko da.
-Lagunen arteko txapelketa bat da, mesedez ez ibili azerikeriekaz deskantsuen kontuagatik, bestela datorren urtean arautu beharko da. (Ez dau dirurik, esku pilota profesionalean bezala jokalari garbienari saririk emoteko).
-Sariak: Parte hartzaile kopuruaren araberakoa izango da. Aurten ahalegintxu bat egingo da txapela erosteko (zer da txapelketa bat txapelik barik?).
-Datuak orri honetan itxi edo niri deitu emoteko (695 783 153). Hurrengo datuak eskatzen dira:izena, telefono zenbakia eta email helbidea (eukiz gero).
-Txapelketa Martxoaren 1-ean hasiko da.

(Txapelketako antolatzaileek arauak aldatzeko eskubidea izango dabe).

Tasio (Gara)

2009-10-09T14:54:00.002+02:00

Esne makinen arrakasta

2009-10-07T08:13:00.002+02:00

Baserriko eguneko esnea zuzenean saltzeko esne makinak arrakasta handia izaten ari dira Euskal Herriko hainbat txokotan.

Bideoa eta testua BerriaTB-tik hartuta dago.

Bertsolari Txapelketa Nagusia 2009

2009-10-06T16:07:00.004+02:00

Urriak 3an hasi da txapelketa ta Abenduaren 13 arte bertsotan ibiliko dira Euskal Herriko bertsolari asko ta asko txapelan bila edo postu on baten bila. Aukera ona bertso saio politak ikusteko, ta txapelketa hau jarraitzeko web orri bat sortu da. Bertan danetarik dago, bertso saioen informazioa, sarrerak erosteko modua, argazkiak... Hamen dekozue helbidea:

http://www.txapelketanagusia.eu/

Orozko-ko XXI. mendi martxa

2009-09-29T16:46:00.002+02:00

Domeka honetan, Urriak 4, izango da mendi martxa hau. Bi ibilbide egin ahal dira, laburra 28 Km-takoa edo luzea 41 Km-takoa. Nonor gogoz badabil joateko Urriak 1erarte deko apuntatzeko epea. Dohainik da eta helbide honetan sartu beharko zarie:
http://www.euskalnet.net/inakianton/itxinape.htm
Hemen bi ibilbideen perfilak eta Domekarako oraingoz eguraldiari buruz eginda dagon predikzioa.

Argazkien ganean sakatuta handiago ikusi algo dozuez.

Bitxikeriak (Berria.info-tik hartuta)

2009-09-20T16:39:00.001+02:00

BERRIA.INFOko irakurle batek bidali du goiko argazkia, testu honekin: "Galdakaoko auzo bateko frontoian -Bekeakoan, hain zuzen-, Udaleko arduradunek honela margotu zuten ikurrina. Hiru hilabete igaro ondoren, akatsak konpondu gabe jarraitzen du. Ez, ez dira PPkoak arduradunak, EAJkoak baizik".

Txomingeroak I

2009-08-31T22:20:00.002+02:00

Ez dakit zenbat atal emongo dozten gai honek baña hasi behintzat hasiko naz. Lehenengo atal hau laburtxua izango da. Holako galderaren bat entzuten badozue badakizue txomingero bat dala:
-(Txomingeroa) ¿Oyes chico, pero este mosquetón vale pa escakar?
-(Saltzailea) Pues no te valdrá si quieres volver a casa a cenar.
Oin mosketoi on bat eta txomingeroak zeinalatu eban mosketoietako argazki bana jarriko dotzuet eta horregaz argi geratuko jatzue zergatik dan txomingeroa.
(Betikoa, argazkian sakatuta tamaina handiagoan ikusi ahalgo dozuez argazkiak).

Atxarten txomingero bategaz

2009-08-04T00:14:00.003+02:00

Ondorengo argazkiak ikusita nor iruditzen jatzue dala txomingerorik txomingeroena?
Ziur asmatzen dozuela, ta argazkian egiten duen txomingero ekintzaz gain, norbaitek kaskoa alderantziz janzten dauela ikusten badozue ziur ziur ziur egon txomingeroa dala.
(argazkian arratoia sakatuz tamaña handian ikusiko dozue, hobeto desberdindu ahal izateko txomingeroa).

......Toce...........................Jon

........Arizko...............................Igor

Midi d'Ossau (2.884m)

2009-07-13T21:53:00.005+02:00

Goizeko 5:30tan izartuta gosaldu eta mendirantz abiatzen gara. Mendiaren hasieratik urrunen egoan parking-ean aparkatu ostean prestatu eta bidea hasten dogu. Hasiera txarrrrraaaa, mendi askotan topaten diren z itxurako bidexkak tokaten jakuz eta hor nahikotsu sufritzea tokaten jaku (Igorrek eta nik sufritu gendun, Arizkok ez eban izerdi tanta bat ere atara). Ordu t'erdiko bidearen ostean gitxi gora behera, errefugiora heltzen gara eta bertan kantinplorak edo antzekoak betetzeko aprobetxatzen dogu. Errefugiotik aurrera arrokaz betetako bidea jarraitu behar da ta gero aldapa gora barriro tximinia famatuetara heldu arte. Bertara Arizko bere nagusitasuna erakutsiz 5-10 minutuko aldeaz heltzen da. Nagusitasuna bai baña buru eskasia erakutsiz gu itxaron barik lehenengo tximinia igoten dau soka barik. Zein da arazoa? Gu heltzean euria eta txingorra hasten dala eta tximiniaren igoera arriskutsua bihurtzen dau. Igoera bertan behera itxitea erabakitzen dogu eta Arizko bertan ustea ere. Ez, broma da. Zelan edo holan gutako bat Arizkogana ietea lortzen dogu eta rapelatuz bajaten gara, lehenago gure erreflexuak proban jarrita jauzten zan harri bat saihestuz. Itxulera arina eta tristea baña aman putaseme hori ieteko irrikaz barriro hirurok!

(argazkietan sakatuta, hauek tamainu handiagoagaz ikusiko dozue, edo hori uste dot behintzat).

Mugarra (964 m)

2009-05-27T18:27:00.004+02:00

Gaurkoan Mugarra toka jaku eta esan beharra dago igoera erreza, laburra eta oso polita dala. Denbora sobran eukiz gero inguruneari bueltatxu bat emotea merezi dau, kobak eta gauza gehiago ikusteko.
Guk Orozketako auzotik egin dogu ibilbidea. Kontuz! Orozketan parking antzeko bat dau eta ez despistatu gu bezela, askoz gorago igo al dala kotxea ta bueltan hankak eskertuko dabe. Egurrezko zeinale bat ikustean pistatik aldendu beharra dago Mugarrara bidean.
Igoeratxu bat dau eta hau amaitzean politena dator. Gu puntara ien aurretik kobak ikustera pasatu gara ta gero egin dogu igoera.
Hor arte oso ondo joan da eguna, baña jeitsieran gizaseme bateri bururatu jako buelta ezberdina egitea. Buelta laburra eta polita, noski, baña azkenean infernuko buelta bihurtu da mendi txiki pilloa igoz, simetatik eskalatuz eta giharrak ahituz.
Laburpen bezela, Mugarrak merezi dau, baña kontuz nogaz zoazien...

Anboto (1.331 m)

2009-05-24T12:46:00.005+02:00

2009ko Maiatzaren 20an ienda.
Aurtengo lehenengo mendia ien ostean, hemetik urte amaierararte askoz gehiau izetea espero dot. Eguaztenean Urkiolako santuarioaren parking-etik hasita urkiolako pista jarraitu gendun. Anbotopera heltzean bidegurutze bat hartu gendun ta pista alde batera itxi argazkian agertzen dan bidetik zehar ieteko. Igoera honetan harri asko eta bide posible asko dagoz, gauza da gora egitea, goiz edo berandu puntara heltzen dala. Esaera zaharrak diñonez "Ahaleginak hamar direz."
Itzulera pistatik beharrean hesiz inguratutako mendietatik egin gendun. Bide hau politagoa da ta nonoiz Anbotora ien nahi badozue pistatik baño politagoa izango zan parkinetik irtetzen dan mendietan zehar doan beste bidea hartzea.

Biraoentzako hiru zutabeen metodoa

2009-04-25T02:26:00.003+02:00

Kike Amonarriz-ek artikulu baten aurretik blog honetan agertu dan gai bat jorratu dau. Hau da, euskarak ia balio dauen iraintzeko. Hitz solte batzuk agertu dira bere artikuluan eta baita biraoak botatzeko hiru zutabetako metodo bat, azken hau Antton Olariagaren metodoa izanda. Zutabe bakoitzeko hitz bana hartuta eta konbinatuta ezatsegina dan zeozer lortu daiteke. Hemen hiru zutabeak jarriko dodaz ta hitz solteak ezkerreko zerrendara gehituko dodaz. Bueno ba, badakizue, jendea iraintzen hasi beharko da, ezta?

Zerri gezurti halakoa
Asto lapur madarikatua
Zorri zikin alena
Zakur alfer ustela
Putre zital nazkagarria
... ... ...

Getxoko liburu azoka

2009-04-23T00:24:00.002+02:00

Apirilaren 23tik 26ra Algortako metroko plazan liburu azoka ospatuko da. Urterolez erosten diran liburuak %10eko beherapena eukiko dabe, beraz badakizue, interesatuta zauzienok bueltatxu bat emon, beharbada zeozer topaten dozue ta.
Horrez gain, Maiatzak 21etik 24ra bigarren eskuko liburu azoka solidarioa ere ospatuko da Getxon. Bertan erabilitako liburuak oso oso merke saltzen dira eta batzen dan dirua helburu solidario batetarako erabiliko da. Nik erosi izan dodaz liburu politak euro batean. Animatu eta ia zeozer interesgarria topateko suertea dekozuen.

Txapelketaren amaiera

2009-04-20T05:11:00.003+02:00

Beste urte batez Asier Agirrek irabazi dau palazko banakako txapelketa. Aurten Unai Villa izan dau finalean aurkari. Partidu erdirarte markagailuak bardinketa erakusten eban baina hortik aurrera Asier nagusitu zan 22-13 emaitzagaz amaituz. Beste barik zorionak Asier!

Esku pilotako afizionatuak bazarie, hasi eskuak gogortzen Sopelako jaietako binakako txapelketan parte hartu gure badozue.

Palan, binakako txapelketa bat egitea aipatu da. Nonor interesatuta badago edo jendea ezagutzen badau, mezua itxi hemen ta bikote kopuru polit bat urteten bada zeozer egingo dogu danon artean.

Unai ta Paul-en arteko azkeneko tantua

2009-04-02T22:40:00.003+02:00

Korrika badator Yeah! yeah! yeah! yeah! yeah!

2009-03-31T02:31:00.004+02:00

Korrika 16-a martxan dago.
Euskarari bultzakada emoteko beste aukera bat hementxe, batez be garai hauetan. Bide batez, "operación bikini"-rako prestatzeko balioko dozku neguko ibernazioak ez bagauti behar bezalako forman ipini.
Aurten ganera Ivan Eguskiza jaun txit gorenak bere aitaren erreleboa hartuko dau Lemoiz eta Andraka artean lekukoa eroanez, beraz, ezagutzen dozuenok ta bidean lagundu nahi dotzezuenok Barikuan topako gara 13:30 inguruan.

6. astea

2009-03-30T22:10:00.000+02:00

5. astea

2009-03-24T16:41:00.003+01:00

4. astea

2009-03-17T00:34:00.000+01:00

3. astea

2009-03-08T21:33:00.001+01:00

Hementxe sailkapena.

2. astea

2009-03-02T10:38:00.001+01:00

Hemen doa 2. astearen ostean txapelketako sailkapenak zelan geratu diren irudia. Atzeratutako partiduak jolastu beharko dira laster.

Euskarazko irainak

2009-02-23T23:05:00.003+01:00

Euskara, ze hizkuntza polita dan baina euskarazko irainak gehiau erabiltzea falta jaku. Beti gabiz (edo nabil, ni behintzat) euskaraz berbaten eta iraundu behar danean erdarakadak botaten. Zerrenda bat jarriko dot euskal irainekaz eta zuek batanbat gehiago ezagutzen badozue mezua itxi eta zerrendara gehituko dot. Aberastu dezagun gure euskara irainekaz!

1.go asteko sailkapena

2009-02-23T00:28:00.002+01:00

Txapelketaren lehenengo jardunaldia bi lesiogaz hasi da. Partidu hauek atzeratuko dira eta jolasten direnean emaitzak jarriko dodaz. Momentuz holan geratu da sailkapena.

Txapelketa

2009-02-13T21:50:00.005+01:00

Zozketa burututa holan geratu dira taldeak:

A TALDEA
Andoni O.
Dabi
Andoni S.
Ander
Endika
Asier
Haritz

B TALDEA
Paul
Egoitz
Joseba
Eñaut
Mikel
Unai
Jonathan

GOGORATU 22 TANTURA DIRELA PARTIDUAK!
Ligilla amaitzean taldeetako 1.go sailkatuak beste taldearen 2. sailkatuen kontra jolastuko dabe final-erdiak eta partidu hauetako irabazleek finala.
Aurten sariak apur bat aldatuko dira. Txapeldunarentzat txapela eta bildutako dirutik geratzen danaren %40. Bigarrenarentzat geratzen dan diruaren %40 eta hirugarrenarentzat geratzen dan diruaren %20.
ZORTE ON DANOI!!!

Oharra:
Gauza bat argitzeko.
Sailkapenean bardinketak gertatzen direnerako kasuak:
-Bardinketa bi jokalariren artekoa bakarrik bada, alkarren kontra jolastutako partidua irabazi dauenak sailkapen hobeagoa eukiko dau.
-Bardinketa bi baño jokalari gehiagok badaukie, txapelketa osoko tanteoaren arabera ikusiko da nor kokatzen dan sailkapenean hobeto.

BANAKAKO II. PALA TXAPELKETA

2009-01-04T22:19:00.002+01:00

BANAKAKO II. PALA TXAPELKETA

2009-01-04T15:44:00.011+01:00

-Apuntatzeko azken eguna Otsailaren 8a izango da, sorteoa egiteko eta partaideei partiduak eta txapelketako datuak emoteko.
-Apuntaten danak 5 euro.
-Txapelketa hasieran talde ezberdinetako ligillekaz izango da eta gero apuntatu dan jendearen arabera, talde bakoitzeko lehenengoak eta bigarren onenak( bigarrenak zenbat pasatzen diren, partaide kopuruaren arabera izango da) eliminatoriako fasera pasako dira.
-Alkarren kontra jolasten dabenak ados jarri behar dira ze frontoian jolastu. Ez badira ados jartzen niri emongo dauztie euren aukerak eta sorteo mota bategaz argituko da. Final aurrekoetan, finalean eta 3. eta 4. postuetako partiduak (Loiun, Urduliz edo Sopelan, erabaki behar da) jolastuko dira.
-Txapelketa irudiko pala motagaz eta teniseko pelotekaz izengo da.
-Teniseko pelotak, bakoitzak bereak eroango dauz eta sakearen jabeak erabakiko dau ze pilota erabili.
-Partidu bakoitza 22 tantura izando da, ez pasadan urtean bezala 25era zala!
-Partiduak aste bakoitzeko astelehenetan jarriko dira, baña jokalariak ados badagoz fetxaz aldatu ahal da. Hori bai, aste horretan jolastu beharko da, hurrengo astean hurrengo ronda jolasteko.
-Partiduetako epaileak jolasten daben jokalariak izando dira. Zerbaitegatik ados geratzen ez bazarie deitu eta ni epaile izanda beste egun baten jolastuko da.
-Sariak:
Irabazleak batutako diruaren %60
Bigarrenak batutako diruaren %30
Hirugarrenak batutako diruaren %10
(Jende asko apuntatu ezkero dirua beharrean txapela edo koparen bategatik aldatu ahal da, apuntatutako jendearen gehiengoa ados badago).
-Datuak orri honetan itxi edo niri deitu emoteko (695 783 153). Hurrengo datuak eskatzen dira:izena, telefono zenbakia eta email helbidea (eukiz gero).
-Txapelketa Otsailaren 16an hasiko da.

Aurpegi misteriotsua

2008-12-27T22:28:00.002+01:00

Ze letxes pasa jatan argazkia atara zan momentu honetan? Kanejok emon euztan musuak nazka emon euztan edo gustatuko jatan...misterio misterio...

Kirikolatza

2008-12-24T16:18:00.002+01:00

Hemen dekozue algortako kirikolatza sagarra jaten dagolarik. Sagar zati bat jaten graba dogu, natura inguruan egiten diren dokumentalen artean hito bat izango da bideo hau. Inoiz lortu ez dana lortu dogu.

Binakako munduko palako txapelketa profesionalaren finala

2008-12-23T16:06:00.002+01:00

Bihar jolastuko da txapelketako finala tartean sopeloztar bat dagolarik (Larrinaga). Arrastiko 17:00tan hasiko da festibala Gaubeka eta Beldarrain-Urkia eta Imanol partiduagaz. Arrastiko seirak eta hamarrean barriz, finala hasiko da, ETB-k zuzen-zuzenean emongo dauelarik. Ziskar II eta Galan-Fusto eta Larrinagaren kontrakoa izango da finaleko partidua.

Agenda digitala

2008-12-22T19:02:00.002+01:00

Eguneko zereginak gogoratzeko zailtasuna badekozue edo beste barik agenda bat erabiltzeko kapritxoa badekozue eta ez badozue dirurik gastatu nahi agenda batetan Gaztezulok agenda digitala jarri dau bere web orrian gure dauenak deskargatu ahal izateko. Instalatzeko errez-erreza eta EUSKARAZ da! Hemen deskarga ahal izango dozue:

http://www.gaztezulo.com/agenda_digi.php

El camin encantau III

2008-12-17T19:47:00.004+01:00

Gaurkoan Asturiar mitologiako bi pertsonaia ezagutuko doguz. Lehenengoa "El hombre del saco" da, zein gauetan gaiztoak izan diren umeen geletara sartzen da eta umeak zakuan eroaten dauz leku ezezagun batetara zeinetatik inoiz ez diren itzuliko.
Bigarren pertsonaia "Lavandera" da. Pertsonai hauei ez zaie ikusiak izatea gustatzen eta behin ikusiz gero arropa bihurritzen laguntzeko eskatuko dotzue. Arropa eurak egiten daben kontrako zentzuan bihurritu behar da, bestela, ikusiak izateagatik mendekatuko dira eta errekan itoko zara.

Artxoa

2008-12-06T14:35:00.006+01:00

Tenperatura freskatzen egoala ta zeozer beroa jan behar zan ta etxeko artxoa atara dogu kongeladoretik. Errezeta batzuk begiratu eta aukeraketa egin ostean martxan hasi gara.
Azkenean holan gelditu jaku patata frijitu batzuekaz.

Bueno ba, on egin!

Durangoko azoka

2008-12-04T21:12:00.003+01:00

Abenduaren 5tik 8ra goizeko 10:30tatik arrastiko 20:00tara Durangoko azoka zabalik egongo da. Liburuak, musika, giroa... animatu.

Mutrikuko mamua

2008-12-04T08:53:00.004+01:00

Badirudi Mutrikun mamu bat zegoela lotan eta orain olatuen energia aprobetxatzeko muntatu dan instalazioa ikusita hasarratu egin dala. Mutrikutik pasaz gero kontuz ibili mamuagaz. Orain arte ezin izan da argazkirik atara baña badau bideoren bat non bere garrasiak entzuten diren.

Apostuak

2008-11-29T12:08:00.005+01:00

Ezinezkoa zan tentazioa eutzitea eta lehenengo apostuak egin dodaz jarri dabezen makinetako batetan. Ondo dagoz holako makinak, euro bat jokatuta egon al da eta holan emozio gehiau jartzen dotzezu kirolei euro baten truke. Zeozer irabazten bada, orduan ederto! Hemen dekozue tiket baten irudia aurrekaldetik ta atzekaldetik. Kanejo! Ez dakit ze enpresatan zauzen ta ia ez bada konpetentziakoa... esango doztezu beste baterako.

Aimar Irigoien - Izeta II

2008-09-23T20:06:00.002+02:00

Domeka honetan aspaldiko aposturik interesgarrienetako bat burutuko da. Irigoienek eta Izetak hamar minutuko hiru txandatan 137,5 kg-tako harri kubiko bat altxa beharko dabe al daben gehienetan. Apostua 20.000 eurotakoa izango da. Zeinek irabaziko dau? Aposturik? jejeje

Herri kirolen pentatloi txapelketaren ideia

2008-09-15T03:14:00.003+02:00

Palan txapelketa antolatu zan bezela, jendea interesata dabilela edo animata dabilela ikusiez gero igual zeozer antolatu ahalgo zan. Probak normalean baño suabetxuagoak izen beharko ziran, gu ez gagoz ta zekorren moduan 120 kg-ko harriak altxatzeko. Txingak 25kg, zakuak 40 kg...holako zeozer, inork minik ez hartzeko moduko txapelketa egiteko. Bueno ba gure badozue aukeratu ze kirol gustatuko jatzuen ta jende askok erakusten badau parte hartzeko interesa beharbada etorkizunean zeozer antolatu ahal izango da.

(ingude-altxatzea)

Aizkorrirako urteera

2008-08-03T13:33:00.004+02:00

Euskal Herriko mendi mitiko bat gitxiau dekogu igoteko. Aurten Aizkorri igo dogu ta oso ondo egon zan. Erreza igoteko eta polit-polita, ganera jeitsiera egiterakoan Urbian dagon tabernan zeozer hartuta errezago bajaten da jejeje.
Abuztuan Midi d'Ossau? edo zeozer lasaitxuagoa?
( Igor, Haritz, Pintxo ta ni)

Artikoko altxorra

2008-07-30T20:34:00.002+02:00

USGS-aren (US Geological Survey) arabera, Artikoak petroleozko 90 bilioi barril gordetzen dauz. Honez aparte gas naturala eta gas natural likidotuak ere badekoz. Kontuan hartuta gaur egun erregai honek balio daben dirutza, herrialde batzuk iparraldera begira jarri dira.
Antza, bertan ondino aurkitu barik dagoen petroleo guztiaren %13a, aurkitu barik dagon gas natural osoaren %30a eta aurkitu barik dagon gas natural likidotu osoaren %20a gordetzen da.
Bush-ek kongresuan jada eskatu eban AEBtako kostaldeen hustiakuntza baimentzea holan inportazioekiko menpekotasuna murrizteko. Ikusi beharko da zelan amaitzen dan dana. Artikoko bizia (animali ta landareria) arriskuan dagoela dirudi ta baita biztanleak ere. Zer esanik ez, azkenaldian ia egunero entzuten dan planetaren berotze efektua ere hor dago, tenperatura handituz gero Artikoko izotza murriztuko zan eta hustiaketa asko erraztu ekonomikoki hustiaketa hau interesgarriagoa bihurtuz.
Bueno ba, herrialde bateri nonoiz Artikoa hustiatzea bururatzen bajako hemen dekozue zeintzuk diran hustiatzeko lurrak eukiko eben herrialdeak:

El Camin Encantau II

2008-07-09T02:06:00.002+02:00

Web orri honen hasieran Asturiaseko bide honi buruz zeozer berba neban, Asturies-eko mitologia ezagutzera eman nahi dauen bidea da, non, bitartean inguruko herrixkak eta basoak ikusten doguzan . Oin esku artean dekodazan argazkiekaz "tour" txiki bat egingo dot. Benetan paseo polita dala eta oso gomendagarria.
Bueno ba, argazkian azaltzen dan erdiko pertsonaia "El Sumiciu" da. Esku artean duela gitxi euki dogun zeozer galtzen dogunean eta ez dogunean topatzea lortzen esaten dabe Sumiciu-a ibili dala barrabaskerietan. Ikustezina edo hain txikia da, ia ezinezkoa dala ikustea eta horrek errazten dotze edozein zulotik edo tartetik sartu ta urtetea.

(ni, Sumiciu, Naiara)

Agur Patxi

2008-07-08T10:44:00.003+02:00

Esku pilota berreskuratu eban pilotaria erretiratzen jaku. Astelehenean Labriten azkeneko bider jolastu eban (ta irabazi!), ondino beste partidu bat jolastuko dau Uztailaren 10ean bere herrian (Agoitz). Pena da hain momentu onean egonda (pasadan urteko banakakoantxapelketa ederra egin eban eta BBK mastersean finalera sartu zanBarriola eliminatuta) erretiratu nahia baña bueno, holan gure badau zer egingo jako. Hemen bere palmaresa, ia nor dan hau dana lortzen dauen hurrengo pilotaria...

Palmaresa:
1990ko Munduko txapelduna zaletu mailan.
1991ko Euskadiko 4 ½ko azpitxapelduna.
1998ko Espainiako buruz-buruko azpitxapelduna.
1998ko Euskadiko 4 ½ko azpitxapelduna.
2000ko Espainiako buruz-buruko txapelduna.
1999ko Espainiako buruz-buruko txapelduna.
1999ko Euskadiko 4 ½ko azpitxapelduna.
1992ko Euskadiko 4 ½ko txapelduna.
1993ko Euskadiko 4 ½ko azpitxapelduna.
1994ko Euskadiko 4 ½ko txapelduna.
2001ko Buruz-buruko azpitxapelduna.
1996ko Espainiako buruz-buruko txapelduna.
1996ko Euskadiko binakako azpitxapelduna.
1997ko Espainiako binakako azpitxapelduna.
2000ko 4 ½ko txapelduna.
2001ko 4 ½ko azpitxapelduna.
2007ko BBK masters buruz buruko azpitxapelduna.

Getxoztarrak

2008-07-02T00:25:00.003+02:00

Lehengoan Mungiako Atxuri auzotarren argazkia erakutsi ostean Getxoztarrak ezin dodaz ahastu. Hementxe antzinako garaietako beste argazki bat.
Portsierto, artikulu oso interesgarri bat irakurri dot Algortarrei guaito deitzearen zergatia azaltzen dauena. Nonork interesa badeko hurrengo loturara sar dadila informatzera. Guaito ezizena bazilatzeko erabiltzen dauen hurrengoari aurpegira barre egin beharko jako jejeje.
http://euskara-eta-natura.blogspot.com/2008/07/algortarrak-guaitoak.html

(izeko Pili, ama, osaba Manu)

Lehengo litroak

2008-06-24T21:28:00.004+02:00

Beti bronka botaten litroak egitea txarra dala...alkohol asko edatea txarra dala... ia zelan bueltatzen zaran etxera... formal ibili hortik... ez egin tontakeriarik...
Ta gero euren gaztetako argazkiak ikusi ta gureak mini litroetan geratzen dira.

(Fede, aita, beste bat)

Anaia eta Gorka mihi luzen

2008-06-13T14:55:00.005+02:00

Aste honetan 3 bider agertu dira programan parte hartzen. Ondino beste pare bat programatan agertu behar dira, kuriositatea badekozue zenbateko jakituria daukien ikusteko astelehenetatik eguenetara (osteguna) emoten dabe programa hau 21:30tan ETB1-ean.

(Jon, Gorka)

Bazterkeria genetikoa ez da fikzioa

2008-06-12T23:32:00.002+02:00

"AEBko senatuak diskriminazio genetikoari aurre egiteko neurriak hartu ditu. Senatuko kideek aho batez onartu dute informazio genetikoan oinarritutako bazterkeria debekatzen duen lege-proiektua. Lege hori indarrean sartzen denean, gaixoak eta medikuak baino ez dute izango azterketa genetikoak ematen duen informazioaren berri izateko eskubidea. Hortaz, aseguru-etxeek ezingo dute aldez aurretik gaixotasunak garatzeko joera erakuts dezakeen azterketarik eskatu. Eta enpresek ezingo dute inor saritu edo kaltetu informazio genetikoa oinarritzat hartuta."

Normala da aseguru etxeei informazio hau debekaraztea AEB-etan, bertan daukien osasun zerbitzua zelakoa dan ikusita eta aseguru etxeak zelako joko zikina erabiltzen daben ikusita. Honi buruz ez badekozue ideia handiegirik Michael Moore-ren "sicko" dokumentala ikusi (nahi badozue) interesgarria da.

Hasierako parrafoa eta izenburua artikulu honetatik hartuta dago:
http://www.zientzia.net/artikulua.asp?Artik_kod=13842

Fiskalak akusazioa atzera botata absolbatu dituzte Sopela eta Urdulizko sei gazteak

2008-06-12T22:43:00.002+02:00

http://www.ukberri.net/ orritik hartutako informazioa:

"Behin, Ganebarri gaztetxea zen etxearen (Sabino Arana, 105. Sopela) hiru jabeek eta aurkeztu behar ziren bost ertzainetatik bik deklaratu ostean, sei gazteen aurkako akusazioa atzera botatzea erabaki du fiskalak, ezertxo ere frogatzerik ez zuela ikusita. Hartara, epaileak errugabetzat jo ditu auzipetuak, gaur goizean, BIlboko Buenos Aires kaleko Bizkaiko Lurraldeko Auzitegian egindako bistan. Usurpazio delitua egotzita, 2.400 euroko isuna (20 euro eguneko, lau hilabetetan zehar) eskatzen zuen bakoitzarentzat fiskalak; dagoneko gazteetako batzuei diru-bahiketen bidez kobratutakoa baino gutxiago, alegia. Abokatuek adierazitakoaren arabera, 3.000 euro baino gehiago atera dizkiete auzipetuetako zenbaiti. Bada, epaileak gaur absoluzioa emanda, bahitutako diru hori bueltatzea baino ez da falta."

"Epaia pozarren hartu dute sei gazteek eta euren abokatuek, nahiz eta bi urte itxaron behar izan duten absoluzioa lortzeko. Letraduetako batek UKBERRI.NETi adierazi dionez, bere garaian akusazioa atzera botatzea eskatu zioten fiskalari, "inolako frogarik ez zegoela" argudiatuta. "Hala ere, nahiago izan zuten gazteak bi urtez Damoclesen ezpata gainean erortzeko arriskuan jarri eta horietako batzuei 3.000 euro baitzea". Prosezua "zentzu komunaren kontrakotzat" jo du abokatu horrek. Dena den, horrelakoak "Espainiako justizia administrazioan gero eta ohikoak" izaten ari direla nabarmendu du, "batez ere gazteen aurkako auziak direnean". "

Asier txapeldun!

2008-05-31T14:56:00.005+02:00

2008ko banakako pala txapelketaren irabazlea Asier suertatu da Haritz-i 25-8 irabazi ostean, zorionak ba!
Txapelketa nahiko ondo urten da ta aurrerago beste zeozer egingo da, ia oingo txapelketan jolastu dogunak eta jende gehiau animatzen dan hurrengo txapelketarako. Zeozer sortzen danean abisako jatzue, ordurarte ondo ibili!

(Asier)

Finalerako bidea

2008-04-30T19:45:00.010+02:00

Bueno ba, ligillen fasea gaindituta, onenak eliminatorietara pasatu dira eta zozketa egin ostean holan geratu da jokalari bakoitzaren finalerako bidea.

Ligillako azken sailkapena

2008-04-28T21:15:00.004+02:00

Behin ligillako fasea amaituta eguaztenean egingo da eliminatorietarako aurkariak parekatzeko zozketa. Berdez dagozenak dira klasifikatu direnak (partidu baten faltan, jokalari bat falta da eliminatorien fasera pasatzeko. Hau eguenean jolastuko da). Ikusten dozuenez ez naz klasifikatu, beraz, ia inkestan peloteo gitxiago dagon eta inkesta fidagarri bat urteten dan.

2. asteko sailkapena

2008-04-20T20:29:00.003+02:00

Gauzak badoaz apur bat argitzen. Aste honetan ligillako fasea argituko da eta datorren astetik aurrera eliminatoriatara.

Txapeketako sailkapenak

2008-04-13T20:11:00.002+02:00

Lehenengo jardunaldiko partiduen ostean holan geratu dira txapelketako sailkapen ezberdinak:

Ibaizabal telebista

2008-04-08T21:36:00.002+02:00

Bilbo Handia Ikusentzunezkoak SA enpresak lehiaketa publikoan bereganatu zituen Getxo, Bilbo, Barakaldo eta Mungiako izeneko eskualdeko lau lizentzia digitalen eremuetan ikusi ahal izango da. Ibaizabal-Mendebalde kultur elkarteak eta Hamaika Telebista Hedatzeko Taldeak sorturiko enpresa da Bilbo Handia Ikusentzunezkoak SA.
Momentuz telebista hau interneten ikusten konformatu beharko gara baña laster beste euskal kate bat eukiko dogu telebistan. Hemen dekozue interneteko helbidea:

http://www.ibaizabaltb.com/

Ordago!

2008-04-03T01:39:00.004+02:00

Gaurkoan arizko eta niretzat protagonismoa. Erroiako mus txapelketan paper diskretoa eroan arren azkeneko partidan ezustekoa emon dogu Herrikoko txapeldunen kontra eta irabazi egin dogu 5-3, 2-3 galtzen joan ostean!
Gauzak guretzat holan geratu dira:
Irabazi: 5-1 eta 5-3
Galdu: 5-1 5-3 5-4 eta 5-4
Azkenean nahiko itxuroso geratu da ezta?

XV. esaera zaharren txapelketa

2008-03-29T00:58:00.002+01:00

Urtero lez Sopelako AEK-k esaera zaharren txapelketa antolatu dau. 2tik 4 partaiderako taldeak parte hartzen dabe. Aurretik ikasitako 100 esaera zahargaz zerikusia daukien bertso poteoa egiten da. Bertso bakoitzak ze esaeragaz zerikusia dekon asmatu behar da. Horrela puntu gehien dekon taldeak irabazi arte. Eguerdian herrian zehar izango da txapelketa, gero Ander Deuna ikastolan bazkaldu eta bazkal ostean finala.
Gure dauenak apuntatu hemen link-a:

http://aek.org/index.php?name=News&file=article&sid=5

BANAKAKO PALA TXAPELKETA

2008-03-20T23:39:00.004+01:00

-Apuntatzeko azken eguna Apirilaren 4a izango da, sorteoa egiteko eta partaideei partiduak eta txapelketako datuak emoteko.
-Apuntaten danak 5 euro.
-Alkarren kontra jolasten dabenak ados jarri behar dira ze frontoian jolastu. Ez badira ados jartzen niri emongo dauztie euren aukerak eta sorteo mota bategaz argituko da. Final aurrekoetan, finalean eta 3. eta 4. postuetako partiduak (Loiun, Urduliz edo Sopelan, erabaki behar da) jolastuko dira.
-Txapelketa eliminatoriaka izando da.
-Txapelketa irudiko pala motagaz, 3 edo 6 refuerzoduna izatea bardin da, eta teniseko pelotekaz izengo da.
-Teniseko pelotak, bakoitzak bereak eroango dauz eta sakearen jabeak erabakiko dau ze pilota erabili.
-Partidu bakoitza 25 tantotara izando da.
-Partiduak aste bakoitzeko astelehenetan jarriko dira, baña jokalariak ados badagoz fetxaz aldatu ahal da. Hori bai, aste horretan jolastu beharko da, hurrengo astean hurrengo ronda jolasteko.
-Partiduetako epaileak jolasten daben jokalariak izando dira. Zerbaitegatik ados geratzen ez bazarie deitu eta ni epaile izanda beste egun baten jolastuko da. Final aurrekoetan, finalean eta 3. eta 4. posturako partiduan epailea egongo da.
-Sariak:
Irabazleak batutako diruaren %60
Bigarrenak batutako diruaren %30
Hirugarrenak batutako diruaren %10
(Jende asko apuntatu ezkero dirua beharrean txapela edo koparen bategatik aldatu ahal da, apuntatutako jendearen gehiengoa ados badago.)
-Datuak orri honetan itxi edo niri deitu emoteko (695 783 153). Hurrengo datuak eskatzen dira:
izena, telefono zenbakia eta email helbidea (eukiez gero).
-Txapelketa Apirilaren 7an hasiko da.

Ipuina

2008-03-06T20:01:00.002+01:00

Hau lo egin ezin neban gau baten idatzi neban, beraz, ez harritu ezertaz.

Mila bider baso hori zeharkatu ostean, iratxoa galdu egin zan. Gaua non pasa jakin barik aterpe baten bila ibili zan hogeita zazpi minutu. Azkenik kanpin denda bat ikusi eban urrunetik eta bertara hurbiltzea erabaki eban. Barruan mutil bat lo egoala ikusita han lo egitea erabaki eban. Goizean goiz, iratxoa ondino erdi lo egoalarik bere neska kutuna besarkatzen egoalako irudipena zeukan ta ez eban nahi amets horretatik izartu. Begiak zabaldu eta zelako sustua hartu eban mutilaren buztan gogorra besarkatzen egoala konturatu zanean! Orduan mutila ere izartu zan ta iratxoari zer egiten eban galdetu eban.
-Ze zabiz hemen?
-Eske gauean galdu naz ta denda hau bakarrik aurkito dot lo egiteko. Zer da hor dekozun estaka hori?
-A! eh...-disimuluz- gizakiak lo gaudelarik ezin dogunez txisik egin buztanan gordetzen jaku ta horregatik goiz askotan tente-tente dekogularik izartzen gara.
-Benetan? Orduan emakumezkoak zuen txisa gordetzen dabe? Ze basoan bikote asko ikusi izan dodaz ta enborra ilargira begira dagoenean neskagana hurbiltzeko joera daukie mutilak.
-Bueno bueno... ahas dezagun kontu hau- bera beti joaten zan bakarrik mendira eta ez zuen azaleratu nahi bere inbidia- zure bidea aurkitzen ahaleginduko gara ezta? Tristea izango zan goiza denda barruan galtzea Anboto mendian zehar ibili ahal garanean. Lastima bat da Xabinaitor hemen sortu aurretik Anboto ezin ezagutu izatea, orain paisaia erabat aldatuta dago (hau ulertzeko Xabinaitor-en komikiak irakurri beharko dozuez).
Gazteak motxila arin bat zeukalarik Anboto zehar abiatu ziran.
-Portxierto! Ni Blas deitzen naz, Mariren semea ta Anbotoko kobaren herederoa.
-Ni Markel naz, Eustakio eta Mirenen semea eta beraien etxe ta udako etxearen hipoteka heredako dauena.
Aurkezpenak eginda gure bi superheroiak Anboto barrena abiatu ziran. Luze ibili ostean euskaldunak deskribatzen gintuen mito bat desegin eben. Euskaldunak mendizaleak? Bai zera! Mendirako ekipamendu asko ta jantzi asko baña nork nahiko dau alperrikako ibilaldiak egitea taberna ilun batean eskuan kaña bat dekogularik Negu Gorriak-en Lehen biziko bala entzun ahal dogunean? Gauza bat argi dago, Euskal Herrian inon baino mendi, taberna eta polizia gehiau dago. Mendia, sexu turismorako ta ez mitoak zioen bezala euskal nortasuna indartzeko. Tabernak giroa jartzeko ta poliziak giroa berotseko. Sexua, kañak eta pelotazoen izenean AMEN! Pelotazo esaten danean ez deko zerikusirik Marbellako pelotazoak hemengoekaz. Marbellan pelotazoek herria bultoz betetzen daben bitartean hemen kopetak, ipurdiak edo gorputzeko edozein atal bultoz betetzen dira.
-Ze letxeee!- Markel- Gutaz ahastu dira edo? Hemen kriston txapa aguantatzen mendian galdu garala esateko!
-Gidoilari honeri burua gehiegi joaten jako edo asko aspertzen da etxean bapatean paranoia hori jartzeko. Ta niri ez jata gustatzen jarri doztezun izena! Ez dot Blas izan nahi! Gengis Khan izena nahi dot!
Bi protagonisten errebeldiak Jaun ahalguztidunaren haserraldia biztu eban eta bapateko inetazi ekaitza sortu zan. Ekaitz honetatik ez zan inor bizirik urten ta ipuina amaitu zan.

El Camin Encantau

2008-03-02T19:47:00.003+01:00

Asturies-eko bidaiagaz jarraitzen, hemen El Camin Encantau ibilaldiaren hasiera. Ruta polita da herri txiki batzuetatik igarotzen dana eta bitartean bertako mitologiako pertsonaien eskulturak agertzen dira azalduz nortzuk diran eta beraiei buruzko informazio apur bat emoten. Guretzako ibilaldi hau nahiko ondo joan zan, hasieran hori bai, basa-katu ikaragarri batek Oskarri eraso egin eban gupida barik, eskerrak sustua bakarrik izan zala.

(Haritz, ni, Oskar)

Rivadesella

2008-02-28T23:07:00.003+01:00

Asturiaserako egin gendun bidaia gogoratzen (portsierto, danon argazkiak batu behar dira nonoiz ezta? Londresekoak ondino batu barik dagozela ondino). Bombones Letizia, portutik paseoa, eta zelan ez sagardo-poteoa. Hor oin arte ikusi ez neban katxarro bat egoan sagardoa basura botateko, botilla auzpez ipini ta basua berarentzako lekuan ipinita botoi bateri sakatuta hor urteten zan sagardo txorrotada. Ondo egoan ta sagardoa amaituta ere batzuei "pitorritoa" gustatu jaken ta jolasten jarraitu eben....

(Oskar, ni)

Hasiera

2008-02-28T16:34:00.000+01:00

Bueno ba, dala bi hilabete edo ixi euztiela msn-ko web orria ta eurei idatzi arren erantzun barik geratu naz, beraz, bada garaia zeozer barriagaz hasteko. Ontxe hasi naz ikusten zelan doan hemen web orria egitearena asik igual geratuko dira nahiko soso hasierako gauzak. Gitxinaka hobetzen joango dira. Ale ba, egongo gara.